چینی صدر شی جن پنگ کا تائیوان سے قومی اتحاد پر زور

بیجنگ: چینی صدر شی جن پنگ نے تائیوان سے دوبارہ اتحاد کی کوششیں آگے بڑھانے پر زور دیا ہے۔

قومی دن سے ایک روز قبل خطاب میں شی جن پنگ نے تائیوان کے معاملے پر بیرونی مداخلت مسترد کرتے ہوئے کہا کہ آبنائے تائیوان میں تبادلے اور تعاون بڑھایا جائے ۔

انہوں نے تائیوان کی آزادی کی حامی قوتوں کے خلاف کارروائی اور بیرونی قوتوں کی مداخلت کی مخالفت پر زور دیا۔

چین تائیوان کو اپنی سرزمین کا حصہ قرار دیتا ہے اور اسے اپنے ساتھ ملانے کے لیے طاقت کے استعمال کا آپشن بھی برقرار رکھتا ہے ۔