کرکٹ آسٹریلیا کا پیٹ کمنز کی مکمل حمایت کا اعلان

کرکٹ آسٹریلیا کا پیٹ کمنز کی مکمل حمایت کا اعلان

بورڈ نے متفقہ طور پر کمنز کی قیادت کی حمایت کردی ہے
کرکٹ آسٹریلیا کا پیٹ کمنز کی مکمل حمایت کا اعلان

Webdesk

|

22 Nov 2026

کرکٹ آسٹریلیا نے پیٹ کمنز پر مکمل اعتماد کا اظہار کرتے ہوئے انہیں قومی ٹیسٹ اور ون ڈے ٹیم کا کپتان برقرار رکھنے کا فیصلہ کیا ہے۔

بورڈ نے متفقہ طور پر کمنز کی قیادت کی حمایت کردی ہے۔ کرکٹ آسٹریلیا کے چیف ایگزیکٹو ٹوڈ گرین برگ اور عبوری چیئرمین ڈیوڈ بون نے جمعے کو سڈنی میں کمنز سے ملاقات کی جس کے بعد بورڈ نے ان کی کپتانی کے حوالے سے اپنا واضح موقف سامنے رکھا۔

یہ پیشرفت 2018 کے جنوبی افریقا دورے کے دوران بال ٹیمپرنگ اسکینڈل سے متعلق کیمرون بینکرافٹ کے حالیہ تفصیلی بیان کے بعد سامنے آئی ہے جس کے باعث کمنز کے کردار پر بھی سوالات اٹھائے جا رہے تھے۔

ڈیوڈ بون نے کہا کہ پیٹ کمنز کی دیانت داری پر کوئی سمجھوتہ نہیں کیا گیا اور بورڈ ان کی قیادت میں گزشتہ آٹھ برسوں کے دوران ٹیم میں پیدا ہونے والے مثبت ماحول کو قدر کی نگاہ سے دیکھتا ہے۔

دوسری جانب کمنز نے تصدیق کی ہے کہ وہ 2018 کے واقعات کا دوبارہ جائزہ لینے کے لیے قائم کیے جانے والے آزاد فورم میں شرکت کریں گے۔

ان کا کہنا تھا کہ اس عمل کے دوران کئی مشکل گفتگو ہوں گی تاہم تمام متعلقہ کھلاڑیوں اور آفیشلز کو اپنا مقف پیش کرنے کا موقع ملنا چاہیے۔کمنز نے واضح کیا کہ فی الحال ان کی تمام تر توجہ 9 دسمبر سے نیوزی لینڈ کے خلاف پرتھ ٹیسٹ کی تیاری پر مرکوز ہے۔

Comments

https://www.dialoguepakistan.com/ur/assets/images/user-avatar-s.jpg

0 comment

Write the first comment for this!