پسند کی شادی کرنے والی خاتون بے دردی سے قتل

خیرپور: سندھ کے ضلع خیرپور میں پسند کی شادی کرنے والی خاتون کو قتل کردیا گیا۔

پولیس کے مطابق گمبٹ کی رضاکالونی میں گھر سے خاتون کی تشدد زدہ لاش ملی،ابتدائی تفتیش کے مطابق پسند کی شادی کرنے والے جوڑے پر اینٹوِں کے ذریعے تشدد کیا گیا،جس میں خاتون جان کی بازی ہار گئی۔

مقتولہ کے شوہر کو تشویشناک حالت میں اسپتال منتقل کردیا گیا۔ پولیس حکام کے مطابق مقتولہ کے شوہر کی حالت بہتر ہونے پر بیان ریکارڈ کیا جائے گا۔