کراچی سمیت سندھ کے دیگر علاقوں میں بارش کا امکان

محکمہ موسمیات نے کراچی سمیت سندھ کے مختلف علاقوں میں جمعہ کے روز ہلکی بارش کی پیش گوئی کی ہے۔

محکمہ موسمیات کے مطابق مغربی ہواؤں کا ایک سلسلہ ملک کے مغربی اور بالائی علاقوں پر اثر انداز ہو رہا ہے، جس کے باعث سندھ کے بعض علاقوں میں بھی بارش ہوسکتی ہے۔

پیش گوئی کے مطابق جمعہ کو کراچی، ٹھٹھہ، قمبر شہداد کوٹ، جامشورو اور نوشہرو فیروز میں چند مقامات پر ہلکی بارش کا امکان ہے۔

محکمہ موسمیات کا کہنا ہے کہ سندھ کے بیشتر علاقوں میں موسم خشک اور خنک رہے گا، جبکہ میدانی علاقوں میں صبح کے وقت ہلکی دھند چھا سکتی ہے۔ کراچی میں بھی جمعرات کو ہلکی دھند پڑنے کی توقع ہے۔