امریکا کا اے آئی فورس بنانے کا اعلان

واشنگٹن: امریکی صدر ڈونلڈ ٹرمپ نے مصنوعی ذہانت کے شعبے میں تیزی سے ترقی کے لیے اے آئی فورس بنانے کا اعلان کردیا،نئے سربراہ کی تقرری بھی جلد متوقع ہے۔

امریکی صدرڈونلڈ ٹرمپ نے اپنے بیان میں کہا حکومت مصنوعی ذہانت کی ترقی کی راہ میں رکاوٹ نہیں بنے گی، امریکا کو اس شعبے میں تیز رفتار ترقی کا سلسلہ جاری رکھنا چاہیے۔

 تاہم امریکی صدر نے یہ واضح نہیں کیا کہ مجوزہ اے آئی فورس کے اختیارات کیا ہوں گے، اس کا بجٹ کتنا ہوگا اور وفاقی حکومت میں اسے کیا حیثیت حاصل ہوگی۔

ٹرمپ نے مصنوعی ذہانت کو اگلا صنعتی انقلاب قرار دیتے ہوئے دعوی کیا کہ مستقبل میں یہ امریکی جی ڈی پی میں 25 فیصد تک اثر انداز ہوسکتی ہے۔