حماس کا فلوٹیلا قافلے کو روکنے پر سخت ردعمل سامنے آگیا

غزہ: فلسطینی مزاحمتی تنظیم حماس نے صمود فلوٹیلا پر اسرائیلی دھاوے کی مذمت کرتے ہوئے کہا ہے کہ فلوٹیلا کو روکنا اور کارکنوں کو گرفتار کرنا بحری قزاقی اور دہشت گردی ہے۔

اپنے بیان میں حماس نے کہا کہ اس عمل سے دنیا بھر کے لوگوں کا غصہ مزید بھڑک جائے گا، یہ وحشیانہ حملہ ہے جس میں بین الاقوامی یکجہتی کے کارکنوں کو نشانہ بنایا گیا۔

حماس کے مطابق کارکن غزہ پٹی میں محصور لوگوں کو ہنگامی امداد پہنچانے کے لیے فوری انسانی مشن پر تھے۔

حماس کا کہنا تھا کہ اقوام متحدہ اور عالمی برادری قانونی اور اخلاقی ذمہ داریاں ادا کرے اور اس کی مذمت کرے۔

کارکنوں اور ان کے جہازوں کے تحفظ کے لیے فوری اقدامات کئے جائیں۔