ایشیا کپ 2025، بھارت نے فائنل میں پاکستان کو 5 وکٹوں سے شکست دے دی

دبئی: بھارت نے ایشیا کپ ٹی ٹوئنٹی کے فائنل میں پاکستان کو 5وکٹوں سے شکست دیدی، پاکستان نے پہلے بیٹنگ کرتے ہوئے بھارت کو جیت کے لئے 147رنز کا ہدف دیا تھا۔بھارت نے مطلوبہ ہدف 19.2اوور میں 5وکٹوں کے نقصان پر پورا کرلیا۔

دبئی میں کھیلے جانے والے میچ میں بھارت نے ٹاس جیت کر پہلے پاکستان کو بیٹنگ کی دعوت دی دی تھی۔

پاکستان کے پہلے آؤٹ ہونے والے کھلاڑی صاحبزادہ فرحان تھے جنہوں نے 38 گیندوں پر 57 رنز کی اننگز کھیلی اور 84 کے مجموعی اسکور پر  ورون کی گیند پر پویلین لوٹ گئے۔

صاحبزادہ فرحان کے بعد آنے والے صائم ایوب 113 کے مجموعی اسکور پر 14 رنز بنا کر کلدیپ گیند پر آٹ ہوگئے جبکہ محمد محمد حارث بھی بغیر کوئی رنز بنائے پویلین لوٹ گئے۔

فخر زمان بھی 126 کے اسکور پر ورون کی گیند پر آٹ ہوگئے، انہوں نے 35 گیندوں پر 46 رنز بنائے۔ 131 کے اسکور پر حسین طلعت بھی چلتے بنے، انہوں نے صرف ایک رن بنایا۔

پاکستانی ٹیم کے کپتان سلمان علی 8 رن بنا کر پویلین لوٹ گئے، شاہین آفریدی اور فہیم اشرف بغیر کوئی رنز  بنائے پویلین لوٹ گئے۔