ٹی ٹوئنٹی ورلڈ کپ 2024کیلئے قومی ٹیم کی نئی کِٹ کی رونمائی کردی گئی

 لاہور: پاکستان کرکٹ ٹیم کی ٹی ٹوئنٹی ورلڈ کپ 2024 کیلئے نئی جرسی کی رونمائی کر دی گئی۔

سوشل میڈیا پر پی سی بی کی جانب سے میٹرکس جرسی کی رونمائی کی گئی جس کے ڈیزائن میں وہ جذبہ نمایاں ہے جو کرکٹ سے محبت کرنے والے ہر پاکستانی کے اندر گونجتا ہے۔

پاکستان کرکٹ بورڈ نے نئی جرسی میں قومی کرکٹرز کی تصاویر بھی جاری کردی ہیں۔

پاکستان کرکٹ بورڈ کی آفیشل آن لائن اسٹور Shop.pcb.com.pk سے میٹرکس جرسی کو آرڈر پر حاصل کرسکتے ہیں۔

شائقین کرکٹ یہ جرسی پہن کر قومی ٹیم کو سپورٹ کرسکتے ہیں جو آئی سی سی ٹی ٹوئنٹی ورلڈ کپ 2024 میں ہماری شاندار روایات دکھانے کے لیے تیار ہے۔