ثناء میر کا اپنے خلاف پروپیگنڈے پر شدید رد عمل سامنے آگیا

لاہور: سابق کرکٹر اور کمنٹیٹر ثنا میر نے اپنے خلاف چلنے والے پروپیگنڈے پر ردِعمل کا اظہار کرتے ہوئے کہاہے کہ یہ افسوسناک ہے کہ معاملات کو بڑھا چڑھا کر پیش کیا جا رہا ہے۔

جاری کیے گئے بیان میں انہوں نے کہا ہے کہ یہ افسوسناک ہے کہ معاملات کو بڑھا چڑھا کر پیش کیا جا رہا ہے۔ ثنا میر نے کہا کہ کھیلوں سے وابستہ افراد کو غیر ضروری دباو کا سامنا کرنا پڑ رہا ہے۔

 افسوس کی بات ہے کہ اس معاملے پر عوامی سطح پر وضاحت دینا پڑ رہی ہے۔انہوںنے کہاکہ پاکستانی کھلاڑی کے آبائی علاقے سے متعلق بات کرنے کا مقصد ان کی مشکلات اور شاندار سفر کو اجاگر کرنا تھا۔

 بطور کمنٹیٹر یہ ہمارے کہانی بیان کرنے کا حصہ ہے کہ کھلاڑی کہاں سے آتے ہیں۔ثنا ء میر نے کہا کہ میں نے 2 اور ریجنز سے تعلق رکھنے والی کھلاڑیوں کا بھی ذکر کیا، اس معاملے کو سیاسی رنگ نہ دیا جائے، میرے دل میں کوئی بغض یا کسی کے جذبات کو ٹھیس پہنچانا مقصد نہیں۔