کرکٹر راشد خان کی دوسری شادی، اہلیہ کون ہیں؟

افغانستان کرکٹ ٹیم کے کپتان راشد خان دوسری بار شادی کے بندھن میں بندھ گئے۔

ایک تقریب کے دوران راشد خان کی ایک خاتون کے ساتھ تصاویر وائرل ہونے پر انہوں نے خود اپنے انسٹاگرام اکاؤنٹ پر اپنی شادی کا اعلان کردیا۔

افغان کپتان کا کہنا تھا کہ میں نے 2 اگست 2025 کو زندگی کا ایک نیا سفر شروع کیا ہے۔ میں نے ایک ایسی عورت سے اپنا نکاح کیا اور شادی کی جو محبت کی ایک مثال ہیں۔

اُن کا کہنا تھا کہ میں حال ہی میں اپنی بیوی کو ایک تقریب میں لے کر گیا اور بدقسمتی سے اتنی سادہ سی بات پر مفروضے بنائے جا رہے ہیں۔ سچ یہ ہے کہ وہ میری بیوی ہے اور ہم کچھ بھی چھپانا نہیں چاہتے۔

ذرائع کا کہنا ہے کہ راشد خان کی دوسری بیوی افغان نژاد اور بیرونِ ملک مقیم ہیں۔ افغان کرکٹر نے اپنی پہلی شادی سے متعلق کوئی بات نہیں کی۔