کراچی: موسم کی خرابی کے سبب متعدد پروازیں تاخیر کا شکار

کراچی: شہر قائد میں موسم کی خرابی اور انتظامی مسائل کے سبب پروازیں تاخیر کا شکار ہوگئیں۔

فلائٹ شیڈول کے مطابق کراچی اور اسلام آباد کے درمیان آپریٹ ہونے والی 5 پروازوں میں 1 سے 9 گھنٹے کی تاخیر ہے جبکہ سکھر سے کراچی پی کے 636 اور کراچی سے تربت کی قومی ایئر لائن کی دو پروازیں پی کے 501 اور 502 بھی منسوخ کر دی گئیں۔

اسلام اباد سے کراچی روانہ ہونے والی نجی ملکی ایئرلائن کی پروازوں میں 6  تا 7  گھنٹے تاخیر ہے جبکہ پی آئی اے کی کراچی و اسلام آباد کی پروازیں پی کے 300 اور 301 میں ڈیڑھ گھنٹے کی تاخیر ہے۔

کراچی لاہور کے درمیان نجی ایئر لائن کی 4  پروازوں میں ایک سے 4  گھنٹے تاخیر ہے۔