عالمی بحری راستوں میں تبدیلی، پاکستان کی بندرگاہوں پر سرگرمیوں میں نمایاں اضافہ

مشرقِ وسطیٰ میں جاری کشیدگی اور عالمی تجارتی راستوں میں تبدیلی کے باعث پاکستان کی بندرگاہوں کی اہمیت میں تیزی سے اضافہ دیکھنے میں آ رہا ہے، جس سے نئے تجارتی اور سرمایہ کاری کے مواقع پیدا ہو رہے ہیں۔

ماہرین کے مطابق خلیجی روایتی بحری راستوں میں رکاوٹوں کے باعث کارگو کا رخ متبادل راستوں کی طرف مڑ رہا ہے، اور اس صورتحال میں پاکستان ایک مؤثر لاجسٹک راہداری کے طور پر ابھر رہا ہے۔

رپورٹس کے مطابق کراچی پورٹ، پورٹ قاسم اور گوادر پورٹ پر کنٹینرز کی ہینڈلنگ میں غیر معمولی اضافہ ریکارڈ کیا جا رہا ہے۔ اس اضافے کو حکومتی اصلاحات کا بھی سہارا حاصل ہے، جن کے تحت سمندری اور فضائی نیٹ ورکس کے ذریعے سامان کی نقل و حرکت کو مزید آسان بنایا گیا ہے