بجلی کے فی یونٹ کی قیمت 27 روپے ہونے کا امکان

ملک میں یکم جنوری 2027 سے بجلی کے نئے بنیادی نرخ نافذ ہونے کا امکان ہے، جس کے تحت بجلی کی خریداری کی فی یونٹ لاگت 27 روپے 31 پیسے تک پہنچنے کا تخمینہ لگایا گیا ہے۔

جیو نیوز کے مطابق سینٹرل پاور پرچیزنگ ایجنسی (سی پی پی اے) نے بجلی کے نرخوں پر آئندہ نظرثانی کے لیے بنیادی تخمینے میں مجموعی خریداری لاگت 3.55 ٹریلین روپے رہنے کی پیشگوئی کی ہے۔

بجلی کے نرخوں پر نظرثانی کا یہ عمل تقسیم کار کمپنیوں کے صارفین کے لیے نئے بنیادی ٹیرف کے تعین کا حصہ ہے۔ اس دوران بجلی کی نظرثانی شدہ بنیادی لاگت مقرر کی جائے گی، جس کی بنیاد پر صارفین کے لیے نئے نرخ طے کیے جائیں گے۔

تاہم 27 روپے 31 پیسے فی یونٹ کا نرخ فی الحال تخمینہ ہے۔ بجلی کی حتمی قیمت کا تعین متعلقہ نظرثانی کے عمل کی تکمیل کے بعد کیا جائے گا۔