بالی ووڈ اداکار سنجے گپتا کی اچانک موت پر بلال مقصود افسردہ

بالی ووڈ کے ہدایت کار سنجے گپتا 57 برس کی عمر میں انتقال کرگئے۔

بالی ووڈ کے معروف ہدایت کار، فلم ساز اور اسکرین رائٹر سنجے گپتا 57 برس کی عمر میں انتقال کرگئے۔

سنجے گپتا کا فلمی سفر تین دہائیوں سے زیادہ عرصے پر محیط تھا۔ انہوں نے 1994 میں فلم ’’آتش‘‘ کے ذریعے ہدایت کاری کے میدان میں قدم رکھا، جس میں سنجے دت اور آدتیہ پنچولی نے مرکزی کردار ادا کیے تھے۔

ان کی مشہور فلموں میں ’’کانٹے‘‘، ’’مسافر‘‘، ’’زندہ‘‘، ’’شوٹ آؤٹ ایٹ لوکھنڈوالا‘‘ اور ’’شوٹ آؤٹ ایٹ واڈالا‘‘ شامل ہیں۔

بالی ووڈ ہدایت کار کی اچانک موت پر شوبز شخصیات نے غم و رنج کا اظہار کیا ہے۔

انسٹاگرام پر ایک پوسٹ میں مقصود نے کہا کہ گپتا کے انتقال کی خبر سن کر انہیں شدید صدمہ پہنچا ہے، اور یہ کہ زندگی کتنی "نازک اور غیر یقینی" ہے۔

View this post on Instagram

A post shared by Bilal Maqsood (@bilalxmaqsood)

فلم ساز کا ذکر محبت بھرے انداز میں کرتے ہوئے انہوں نے کہا، "گپتا کا دل بہت بڑا تھا اور ان میں کہانی سنانے کی غیر معمولی صلاحیت تھی۔"

بلال مقصود نے بتایا کہ ان کے میوزک بینڈ 'اسٹرنگز' (Strings) اور گپتا کے درمیان باہمی اعتماد موجود تھا "انہیں ہماری موسیقی اور ہمیں ان کے کام پر بھروسہ تھا۔"