کراچی پریس کلب کے باہر ایک شخص کی خودکشی کی کوشش

کراچی پولیس نے کراچی پریس کلب کے باہر خودکشی کی کوشش کرنے والے شخص کو بچا لیا۔

کراچی پولیس کی جانب سے شیئر کی گئی ویڈیو میں جینز اور شرٹ پہنے ایک شخص کو گاڑی کی چھت پر ہاتھ میں ماچس کی ڈبیہ لیے دیکھا جا سکتا ہے۔

ویڈیو میں لوگوں کو اس شخص کو خودکشی نہ کرنے پر راضی کرتے ہوئے دیکھا جا سکتا ہے۔ تھانہ آرٹلری میدان کے پولیس اہلکار قیصر زمان نے اس شخص کو خود کو نقصان پہنچنے سے بچا لیا۔

 اس سے قبل کراچی میں ایک رکشہ ڈرائیور نے شہر کے ایک پوش علاقے ڈیفنس میں مبینہ طور پر مالی مجبوریوں کی وجہ سے اپنے اہل خانہ کی کفالت نہ کر پانے کی وجہ سے خود کو آگ لگا کر خودکشی کر لی تھی۔

تفصیلات کے مطابق مقتول کی شناخت احمد کے نام سے ہوئی جس نے ڈیفنس کے علاقے میں خود کو پٹرول چھڑک کر آگ لگا لی جب راہگیر اسے بے بسی سے دیکھتے رہے ۔

رکشہ ڈرائیور کو زخمی حالت میں جائے وقوعہ سے منتقل کیا گیا اور بعد ازاں وہ ہسپتال میں دوران علاج زخموں کی تاب نہ لاتے ہوئے چل بسا۔