سونے کے نرخ میں کمی، خریداروں کے چہرے کھل اُٹھے

کراچی: ملکی صرافہ مارکیٹوں میں ایک تولہ سونا 3 ہزار 800 روپے سستا ہوگیا جس کے بعد سونے کی فی تولہ قیمت کم ہو کر 4 لاکھ 53 ہزار 436 روپے ہوگئی۔

آل پاکستان سپریم کونسل جیولرز ایسوسی ایشن کے مطابق 3257 روپے کمی کے ساتھ 10گرام سونے کے نرخ 3 لاکھ 88 ہزار 749 روپے ہو گئے۔

عالمی مارکیٹ میں 38 ڈالر کمی کے ساتھ فی اونس سونے کی قیمت 4309 ڈالر ہو گئی۔ علاوہ ازیں ایک تولہ چاندی کی قیمت 73 روپے کمی سے 6869 روپے پر آگئی۔