ٹرمپ اور برطانوی بادشاہ کے درمیان مزاحیہ جملوں کا تبادلہ

برطانیہ کے بادشاہ کنگ چارلس سوم اور امریکا کے سابق صدر ڈونلڈ ٹرمپ کے درمیان ایک حالیہ تقریب میں خوشگوار اور ہلکے پھلکے جملوں کا تبادلہ دیکھنے میں آیا، جس نے دونوں شخصیات کے درمیان دوستانہ ماحول کی عکاسی کی۔

تقریب کے دوران کنگ چارلس سوم نے اپنی گفتگو میں امریکا کی آزادی سے قبل شمالی امریکا میں برطانوی اور فرانسیسی نوآبادیاتی طاقتوں کے درمیان تاریخی مسابقت کا ذکر کیا اور براعظم پر اثر و رسوخ کی کشمکش کو دلچسپ انداز میں بیان کیا۔

انہوں نے مزاحیہ انداز میں واشنگٹن کو جلانے کا واقعہ کا حوالہ دیتے ہوئے کہا کہ ماضی میں برطانوی افواج نے وائٹ ہاؤس کو نذرِ آتش کیا تھا، جسے انہوں نے "جائیداد کی ازسرِنو تعمیر" قرار دے کر محفل میں ہنسی بکھیر دی۔ اسی طرح انہوں نے بوسٹن ٹی پارٹی کا ذکر کرتے ہوئے موجودہ عشائیے کو اس تاریخی واقعے سے بہتر قرار دیا۔

مزید برآں، بادشاہ نے وائٹ ہاؤس کے مشرقی حصے میں ہونے والی مبینہ تبدیلیوں پر بھی ہلکا پھلکا تبصرہ کیا، جہاں ایک بڑے ہال کی تعمیر کا ذکر کیا گیا۔

دوسری جانب ڈونلڈ ٹرمپ نے بھی گفتگو میں حصہ لیتے ہوئے زیادہ تر مزاحیہ جملے امریکا کے داخلی امور کے گرد رکھے۔ دونوں رہنماؤں کے درمیان یہ تبادلہ ایسے وقت میں سامنے آیا جب عالمی سطح پر مختلف سیاسی کشیدگیاں موجود ہیں، تاہم اس تقریب میں ماحول خوشگوار اور دوستانہ رہا۔