اسرائیلی وزیر اعظم کا خفیہ دورہ، متحدہ عرب امارات نے تصدیق کردی

اسرائیل کے وزیراعظم بنجمن نیتن یاہو نے متحدہ عرب امارات کا مختصر اور خفیہ دورہ کیا جس کی اب اماراتی حکام نے تصدیق کردی ہے۔

انٹرنیشنل میڈیا رپورٹ کے مطابق  متحدہ عرب امارات نے اسرائیلی وزیراعظم بنیامین نیتن یاہو اور اماراتی صدر شیخ محمد بن زاید النہیان کے درمیان گزشتہ روز ہونے والی ملاقات کی باضابطہ تصدیق کردی۔

اماراتی سرکاری خبر رساں ادارے کا کہنا ہے کہ ملاقات میں دونوں ممالک کے درمیان دوطرفہ تعلقات اور انہیں مزید مضبوط بنانے کے طریقوں پر بات چیت کی گئی۔

نیتن یاہو مختصر دورے پر ابوظہبی پہنچے اور اماراتی صدر سے ملاقات کے بعد واپس روانہ ہوگئے۔

ملاقات کی تصدیق ایک ایسے وقت میں سامنے آئی ہے جب متحدہ عرب امارات اور اسرائیل کے تعلقات سمیت خطے کی سیکیورٹی صورتحال عالمی توجہ کا مرکز بنی ہوئی ہے۔