شعیب اختر کے بڑے بھائی شاہد اختر انتقال کر گئے

لاہور: پاکستان کے سابق کرکٹر شعیب اختر کے بڑے بھائی شاہد اختر انتقال کر گئے۔

ذرائع کا کہنا ہے کہ اسپیڈ اسٹار شعیب اختر نے سوشل میڈیا پر اپنے بھائی کے انتقال کی تصدیق کر دی۔

سماجی رابطے کی ویب سائٹ ایکس پر جاری کیے گئے بیان میں شعیب اختر نے بتایا ہے کہ میرے پیارے بھائی شاہد اختر اللہ سبحانہ و تعالی کے حضور واپس چلے گئے ہیں۔

شعیب اختر کا کہنا ہے کہ شاہد اختر کی نمازِ جنازہ آج بعد نمازِ عصر ایچ-8 اسلام آباد میں ادا کی جائے گی۔

سوشل میڈیا پر جاری بیان کے بعد صارفین کی جانب سے سابق کرکٹر سے اظہارِ افسوس کرنے کا سلسلہ جاری ہے۔