کرکٹرز کے نئے سینٹرل کنٹریکٹس کا اعلان، اے کیٹگری ختم

پاکستان کرکٹ بورڈ نے 30 کھلاڑیوں کو نئے سینٹرل کنٹریکٹس دے دیے ہیں۔ ان کنٹریکٹس کا اطلاق یکم جولائی 2025 سے 30 جون 2026 تک ہوگا۔ اس سال پرفارمنس کی بنیاد پر کھلاڑیوں کو کیٹیگری بی، سی اور ڈی میں تقسیم کیا گیا ہے۔

اے کیٹگری ختم، 30 کھلاڑیوں کا انتخاب

گذشتہ سال کے مقابلے میں اس سال کنٹریکٹ حاصل کرنے والے کھلاڑیوں کی تعداد 27 سے بڑھ کر 30 ہوگئی ہے۔

بارہ نئے کھلاڑیوں کو کنٹریکٹس دیے گئے ہیں، جن میں احمد دانیال، فہیم اشرف، حسن علی، حسن نواز، حسین طلعت، خوشدل شاہ، محمد عباس، محمد حارث، محمد نواز، صہیبزادہ فرحان، سلمان مرزا اور صوفیان مقیم شامل ہیں۔ نو کھلاڑی اپنی سابقہ کیٹیگری میں اپنی جگہ برقرار رکھنے میں کامیاب ہوئے جبکہ آٹھ کھلاڑی اس مرتبہ کنٹریکٹ حاصل نہیں کر سکے۔

اہم کیٹیگریز اور ان کے کھلاڑی

  کیٹیگری بی: اس کیٹیگری میں بابر اعظم، محمد رضوان، شاہین شاہ آفریدی، فخر زمان، شاداب خان، ابرار احمد، حارث رؤف، حسن علی، صائم ایوب، اور سلمان علی آغا شامل ہیں۔

  کیٹیگری سی: اس کیٹیگری میں عبداللہ شفیق، نسیم شاہ، سعود شکیل، فہیم اشرف، ساجد خان، محمد نواز، محمد حارث، صہیبزادہ فرحان، حسن نواز، اور نعمان علی کا انتخاب کیا گیا ہے۔

  کیٹیگری ڈی: شان مسعود، حسین طلعت، محمد عباس، محمد وسیم جونیئر، محمد عباس آفریدی، خوشدل شاہ، احمد دانیال، سلمان مرزا، خرم شہزاد، اور صوفیان مقیم کو اس کیٹیگری کا حصہ بنایا گیا ہے۔