اسلحہ دیکھ کر ڈکیت الٹے پیر بھاگ گئے

کراچی میں ایک شخص نے ڈاکوؤں کو اس وقت پستول دکھا کر حیران کر دیا جب مبینہ ڈاکو اسے لوٹنے کے ارادے سے اس کے پاس پہنچے تاہم وہ اسلحہ دیکھ کر الٹے پاؤں لوٹ گئے۔

 ویڈیو میں دو موٹرسائیکلوں پر سوار چار مبینہ ڈاکوؤں کو فون کال پر مصروف ایک شخص کے قریب آتے دیکھا جا سکتا ہے۔

 اس شخص نے ڈاکوؤں کو دیکھا اور انہیں ایک پستول دکھایا، جو اس کی ٹی شرٹ کے نیچے چھپا ہوا تھا۔

 ویڈیو میں دیکھا جا سکتا ہے کہ ڈاکو اس شخص کو لوٹنے کی کوشش کیے بغیر موقع سے فرار ہو گئے۔ تاہم ابھی تک واقعے کے علاقے کی تصدیق نہیں ہوئی ہے۔

 اسٹریٹ کرائمز کی بڑھتی ہوئی وارداتوں نے شہریوں میں خوف اور عدم تحفظ کا احساس پیدا کر دیا ہے کیونکہ بے رحم ڈاکو شہر میں آزادانہ گھوم رہے ہیں، لوگوں کو لوٹ رہے ہیں اور مزاحمت کے معمولی اشارے پر انہیں قتل کر رہے ہیں۔

 اس سے قبل 16 اپریل کو شہر کے محمود آباد کے علاقے میں مسلح ڈاکوؤں نے ایک خاتون کو لوٹ لیا تھا۔