انجینئر محمد علی مرزا کی اکیڈمی پر مسلح ملزمان کی فائرنگ، ایک حملہ آور ہلاک

جہلم میں معروف مذہبی اسکالر انجینئر محمد علی مرزا کی اکیڈمی پر دو مسلح حملہ آوروں نے فائرنگ کردی، حملے کے دوران ایک مسلح شخص نے اکیڈمی کے مرکزی گیٹ اور سیکیورٹی پر مامور پولیس اہلکاروں کو نشانہ بنایا، جس کے نتیجے میں ایک پولیس جوان گولی لگنے سے زخمی ہو گیا۔

پولیس کی بھرپور جوابی کارروائی کے باعث ایک حملہ آور موقع پر ہی ہلاک ہو گیا جبکہ دوسرا فرار ہونے میں کامیاب رہا۔

خوش قسمتی سے اس حملے میں انجینئر محمد علی مرزا، اکیڈمی کے اراکین اور وہاں موجود طلبہ مکمل طور پر محفوظ رہے۔ زخمی پولیس اہلکار کو فوری طبی امداد کے لیے ہسپتال منتقل کر دیا گیا ہے۔