مذاکرات کی ناکامی کا ذمہ دار امریکا قرار

عباس عراقچی نے حالیہ سفارتی کوششوں کی ناکامی پر امریکہ کو ذمہ دار ٹھہراتے ہوئے کہا ہے کہ بات چیت حتمی نتیجے تک نہ پہنچ سکی۔

میڈیا رپورٹس کے مطابق روس پہنچنے کے بعد انہوں نے بتایا کہ مذاکرات میں ابتدائی پیش رفت ضرور ہوئی تھی، تاہم بعد میں امریکی مؤقف سخت ہونے کے باعث معاملہ آگے نہ بڑھ سکا۔ 

ان کا کہنا تھا کہ امریکا کی جانب سے غیر معمولی مطالبات نے معاہدے کی راہ میں رکاوٹ ڈالی۔

انہوں نے اس بات پر بھی زور دیا کہ آبنائے ہرمز میں جہاز رانی کا تحفظ ایک عالمی مسئلہ بن چکا ہے، جہاں مختلف پابندیوں اور سکیورٹی اقدامات کے باعث کشیدگی برقرار ہے۔

دوسری جانب روس میں اعلیٰ سطحی ملاقاتوں کے دوران خطے کی صورتحال اور آئندہ کے لائحہ عمل پر بھی تبادلہ خیال کیا جا رہا ہے۔