سامعہ حجاب کو گھر سے مبینہ اغوا کرنے کی کوشش کرنے والا ملزم گرفتار

معروف ٹک ٹاکر سامعہ حجاب کو گھر سے مبینہ طور پر اغوا کرنے والے ملزم کو پولیس نے چند گھنٹوں میں گرفتار کرلیا۔

مقتول ٹک ٹاکر ثنا یوسف کی دوست اور اسلام آباد میں مقیم خاتون انفلوئنسر کی ایک روز قبل ویڈیو سامنے آئی۔

سامعہ حجاب نے دعویٰ کیا تھا کہ انہیں ایک شخص نے دوستی اور تحائف سے انکار کرنے پر نہ صرف ہراساں کیا بلکہ اغوا کی بھی کوشش کی۔

ٹک ٹاکر نے کہا تھا کہ انہیں بھی اپنی جان کا خطرہ ہے اور خدشہ ہے کہ ثنا یوسف کی طرح اُن کے ساتھ کوئی واقعہ پیش نہ آجائے۔

سامعہ حجاب کے ساتھ پیش آئے واقعے کے بعد تھانہ شالیمار میں مقدمہ درج کیا گیا تھا جس پر پولیس نے ملزم کو گرفتار کرلیا۔

پولیس ذرائع کے مطابق ملزم کو تھانہ شالیمار کی حدود سے ہی گرفتار کیا گیا ہے جس سے ابتدائی تفتیش مکمل کر لی گئی ہے۔

پولیس ذرائع نے بتایا کہ ملزم نے مزید تفتیش کی جارہی ہے۔

ذرائع نے بتایا کہ ملزم نے کئی روز تک سامعہ حجاب کا تعاقب کیا اور پھر 31 اگست کی شام ساڑھے چھ بجے گھر کے باہر سے زبردستی ساتھ لے جانے کی کوشش کی تھی۔