فیکٹ چیک، پی آئی اے کا تمام عملہ کینیڈا میں سلپ ہوگیا؟

سوشل میڈیا پر یہ خبر وائرل ہوئی کہ پاکستان انٹرنیشنل ایئرلائنز (PIA) کا پورا فلائٹ کریو ٹورنٹو میں ٹرانزٹ کے دوران لاپتا ہو گیا۔

حقیقت:

پی آئی اے نے اس دعوے کو بے بنیاد اور گمراہ کن قرار دیتے ہوئے مسترد کر دیا ہے۔ ایئرلائن کے مطابق کریو کے تمام ارکان محفوظ ہیں اور ایسی خبریں ادارے اور پاکستان کی ساکھ کو نقصان پہنچانے کے لیے پھیلائی جا رہی ہیں۔

تفصیل:

پی آئی اے نے اتوار کے روز جاری بیان میں کہا کہ سوشل میڈیا پر گردش کرنے والی ٹویٹ بعض ”پاکستان مخالف عناصر“ کی جانب سے پھیلائی گئی۔ ترجمان کے مطابق نہ تو کوئی کریو لاپتا ہوا ہے اور نہ ہی ایسا کوئی واقعہ پیش آیا۔

Today, a Pakistan International Airlines (PIA) aircraft landed at Toronto International Airport in Canada. The plane was scheduled to return to Islamabad after a two hour stopover. However, unfortunately, the entire crew of the aircraft, including the pilots, surrendered… pic.twitter.com/EyNxY6mPic

— Nasir Amany🇦🇫 (@Nasir_Amany) December 13, 2025

ایئرلائن نے عوام سے اپیل کی ہے کہ وہ غیر مصدقہ اطلاعات پر یقین نہ کریں اور صرف پی آئی اے کے سرکاری ذرائع سے جاری معلومات کو قابلِ اعتماد سمجھیں۔

اہم وضاحت:

پی آئی اے نے یہ بھی تسلیم کیا کہ ماضی میں انفرادی نوعیت کے چند واقعات سامنے آئے ہیں جن میں کینیڈا سے واپسی پر بعض کریو ممبران رپورٹ نہیں ہوئے، تاہم ایسے واقعات میں کبھی بھی پورا کریو شامل نہیں رہا۔

بیان کے مطابق نومبر میں ایک فلائٹ اٹینڈنٹ کی جانب سے طبی وجوہات کی بنا پر واپسی کی پرواز میں شامل نہ ہونے کا واقعہ رپورٹ ہوا تھا، جس کی اندرونی تحقیقات جاری ہیں۔

نتیجہ:

ٹورنٹو میں پی آئی اے کے پورے فلائٹ کریو کے لاپتا ہونے کی خبر جھوٹی اور گمراہ کن ہے۔ پی آئی اے کے مطابق تمام کریو ممبران محفوظ ہیں اور وائرل دعوؤں کا حقیقت سے کوئی تعلق نہیں۔

A tweet, circulated by certain anti-Pakistan quarters, claiming that whole crew of a particular #PIA flight is missing, is entirely baseless.

Purpose of this tweet seems to malign PIA and #Pakistan 🇵🇰

There has been no such incidence, and the news is fake.

— PIA (@Official_PIA) December 14, 2025