چیف الیکشن کمشنر کے واٹس ایپ اکاؤنٹ کی حقیقت سامنے آگئی

الیکشن کمیشن آف پاکستان کے سربراہ سکندر سلطان راجہ کے نام اور تصویر سے جعلی واٹس ایپ اکاؤنٹ سامنے آگیا۔

ترجمان الیکشن کمیشن کی جانب سے جاری وضاحتی اعلامیے میں کہا گیا ہے کہ چیف الیکشن کمیشنر کے نام اور تصویر سے جعلی واٹس ایپ اکاؤنٹ استعمال کیے جانے کا انکشاف ہوا ہے۔

ترجمان نے کہا کہ عوام چیف الیکشن کمیشنرکے نام سے بنائے گئے جعلی اکاؤنٹس اور ان سے پھیلائے گئے پیغامات سے ہوشیار رہیں اور انہیں نظر انداز کریں۔

الیکشن کمیشن کے اعلامیے پر نگران وفاقی وزیر اطلاعات مرتضیٰ سولنگی نے سماجی رابطے کی سائٹ ایکس پر اپنے پیغام میں کہا کہا ’ہم جیسے جیسے انتخابات کے قریب جا رہے ہیں، اس طرح کے ہتھکنڈے بڑھ رہے ہیں‘۔

جیسے جیسے ہم انتخابات کے قریب جا رہے ہیں، اس طرح کے ہتھکنڈے بڑھ رہے ہیں۔ آج وزیراعظم کے پرنسپل سکریٹری کے نام سے ایک جعلی ہدایت نامہ تراشا گیا اور اسے پھیلایا گیا۔ اب چیف الیکشن کمشنر کو ہدف بنایا جا رہا ہے۔ آج فیک نیوز جمہوریت اور صحافت کیلیے سب سے بڑا خطرہ ہے۔ pic.twitter.com/6VGofKEcKt

— Murtaza Solangi (@murtazasolangi) January 17, 2024

انہوں نے کہا کہ اب چیف الیکشن کمشنر کو ہدف بنایا جا رہا ہے،آج فیک نیوز جمہوریت اور صحافت کے لئے سب سے بڑا خطرہ ہے۔