ہزاروں مداح عید پر شاہ رخ خان سے مبارک باد لینے پہنچ گئے

بالی ووڈ کے کنگ شاہ رخ خان سے رواں سال بھی عید پر ملنے اور مبارک باد وصول کرنے کے لیے ہزاروں مداح پہنچے۔

ممبئی میں قائم شاہ رخ خان کے گھر منت کے باہر ہزاروں مداح جمعرات کو پہنچے اور وہ کئی گھنٹے تک شاہ رخ خان کی ایک جھلک کے منتظر رہے۔

اس دوران جب کنگ خان کو گھر کے باہر مداحوں کے جمع ہونے کی خبر ملی تو وہ اپنے چھوٹے صاحبزادے ابراہیم کے ساتھ بالکونی میں آئے اور گھر کے باہر جمع ہونے والوں کا شکریہ ادا کیا۔

View this post on Instagram

A post shared by Shah Rukh Khan (@iamsrk)

شاہ رخ خان کو دیکھ کر مداحوں نے تالیاں بجائیں اور ان سے اپنی محبت کا اظہار بھی کیا جس کے جواب میں کنگ خان نے ہاتھ ہلا کر اور ہاتھوں کے اشارے سے پیار کر کے اُن کا شکریہ ادا کیا۔

اس موقع پر پولیس کی جانب سے منت کے باہر سیکیورٹی کے سخت انتظامات کیے گئے تھے۔