عالمی کریڈٹ ایجنسی نے پاکستان کیلیے آئی ایم ایف پروگرام کو خطرہ قرار دے دیا

عالمی کریڈیٹ ریٹنگ ایجنسی فچ نے غیر یقینی سیاسی حالات پر پاکستان کیلیے آئی ایم ایف پروگرام کو خطرہ قرار دے دیا۔

عالمی کریڈٹ ایجنسی کی جانب سے جاری پاکستانی معیشت سے متعلق رپورٹ میں فچ نے پاکستان میں موجودہ غیر یقینی سیاسی حالات کو آئی ایم ایف پروگرام کیلئے خطرہ قرار دیا ہے۔

فچ نے رپورٹ میں کہا کہ غیر یقینی سیاسی صورتحال قرض پروگرام میں پیچیدگی کا باعث بن سکتی ہے، پاکستان کیلئے آئی ایم ایف کا موجودہ قرض پروگرام مارچ میں ختم ہو رہا ہے۔

رپورٹ میں کہا گیا ہے کہ توقع ہے نئی منتخب حکومت آئی ایم ایف سے فوری طور پر رابطہ کرے گی، آئی ایم ایف کے ساتھ نیا پروگرام پاکستان کی کریڈٹ ریٹنگ بہتر کرسکتا ہے۔