شادی کی تقریب، مہمانوں پر خزانے کے منہ کھول دیے گئے

نارروال میں دلہا کے گھر والوں نے شادی میں شرکت کرنے والوں پر خزانے کے منہ کھول دیے۔

انٹرنیٹ پر ایک ویڈیو وائرل ہورہی ہے جس میں نارووال کے ایک شخص کی شادی کی تقریب میں دولہے کے اہل خانہ اور دوستوں کی جانب سے موبائل فونز اور پاکستانی کرنسی نوٹوں کی بارش کرتے ہوئے دکھایا گیا ہے۔

 تفصیلات کے مطابق واقعہ اپریل کے دوسرے ہفتے میں شہر کے علاقے صدیق پورہ میں پیش آیا۔

 وائرل ہونے والی ویڈیو کلپ میں دولہے کے بھائی اور دوستوں کو دلہن کے گھر کی چھت سے شادی کی بارات پر موبائل فون، سوٹ، گھڑیاں، پاکستانی کرنسی نوٹ اور دیگر مہنگے تحائف کی بارش کرتے دیکھا جا سکتا ہے۔

 ویڈیو میں جو لوگ بارات کا حصہ تھے، انہیں بے تابی سے تحائف پکڑتے ہوئے دیکھا جا سکتا ہے۔