یو اے ای میں عالمی منشیات گینگ کے 13 کارندے گرفتار

متحدہ عرب امارات میں قانون نافذ کرنے والے اداروں نے ایک بڑی کارروائی کرتے ہوئے بین الاقوامی منشیات اسمگلنگ نیٹ ورک سے تعلق رکھنے والے 13 افراد کو گرفتار کر لیا ہے، جن میں دو پاکستانی شہری بھی شامل ہیں۔

میڈیا رپورٹس کے مطابق یہ کارروائی ایک ماہ تک جاری رہنے والی خفیہ نگرانی اور انٹیلیجنس آپریشن کے بعد عمل میں لائی گئی۔ گرفتار افراد میں بھارت، پاکستان، ایران، مصر اور سری لنکا کے شہری شامل ہیں، جن میں چار بھارتی، چار ایرانی اور دو پاکستانی بھی شامل ہیں۔

حکام کا کہنا ہے کہ کارروائی کے دوران 56 کلوگرام سے زائد منشیات اور آٹھ ہزار سے زیادہ نشہ آور گولیاں برآمد کی گئیں۔

اماراتی حکام کے مطابق اس نیٹ ورک کے خلاف مزید تحقیقات جاری ہیں، جبکہ بین الاقوامی سطح پر بھی اس کے روابط کا جائزہ لیا جا رہا ہے۔