پیٹرول کی قیمت میں مزید کمی

حکومت نے عوام کو بڑا ریلیف دیتے ہوئے پیٹرولیم مصنوعات کی  قیمتوں میں مسلسل تیسرے روز بھی مزید کمی کا اعلان کردیا۔

تفصیلات کے مطابق آئل اینڈ گیس ریگولیٹری اتھارٹی (اوگرا) کی جانب سے جاری کردہ نوٹیفکیشن کے مطابق پیٹرول کی قیمت میں 6 روپے 59 پیسے فی لیٹر کمی کی گئی ہے، جس کے بعد اس کی نئی قیمت 346 روپے فی لیٹر مقرر ہو گئی ہے۔

 اسی طرح ڈیزل کی فی لیٹر قیمت میں 4 روپے 25 پیسے کی ہیر پھیر کی گئی ہے، جس کے بعد ڈیزل کی نئی قیمت 378 روپے فی لیٹر پر آ گئی ہے۔

نوٹیفکیشن کے مطابق پیٹرول اور ڈیزل کی قیمتیں 3 دن تک برقرار رہیں گی۔