ایران نے ایک ماہ سے آبنائے ہرمز پر پھنسے 2 پاکستانی جہازوں کو گزرنے کی اجازت دے دی

ایران نے دو پاکستانی جہازوں کو آبنائے ہرمز سے گزرنے کی خصوصی اجازت دے دی ہے۔

شپنگ ذرائع کے مطابق پاکستان نیشنل شپنگ کارپوریشن (پی این ایس سی) کا جہاز ملتان اور ایک چارٹرڈ جہاز پی لکی اب آبنائے سے نکل چکے ہیں۔ چارٹرڈ جہاز پی لکی 85 ملین لیٹر خام تیل لے کر جا رہا ہے اور دونوں جہاز 31 مارچ کو پاکستان پہنچیں گے۔

دونوں بحری جہاز تنازعہ شروع ہونے کے بعد ایک ماہ سے خلیج فارس میں پھنسے ہوئے تھے۔ انہوں نے خلیجی ریاستوں کے قریب پانیوں سے روانہ ہونے کے بعد کل ہرمز کے راستے اپنا سفر شروع کیا۔