قطر کے مال بردار بحری جہاز پر ڈرون حملہ

قطر: قطر کی وزارتِ دفاع نے کہا ہے کہ ابو ظہبی سے آنے والے ایک تجارتی مال بردار جہاز کو قطری سمندری حدود میں ڈرون حملے کا نشانہ بنایا گیا ہے۔

وزارتِ دفاع کے مطابق واقعہ مسیعید بندرگاہ کے شمال مشرقی علاقے میں پیش آیا، جہاں جہاز قطری پانیوں سے گزر رہا تھا۔ حکام نے بتایا کہ واقعے کے بعد فوری طور پر صورتحال کا جائزہ لیا جا رہا ہے۔

ابتدائی بیان میں کسی جانی نقصان یا جہاز کو پہنچنے والے نقصان کی تفصیلات جاری نہیں کی گئیں، تاہم متعلقہ ادارے تحقیقات اور نقصانات کے تعین میں مصروف ہیں۔

ماہرین کا کہنا ہے کہ خلیجی خطے میں بڑھتی کشیدگی کے باعث اہم بحری راستوں اور تجارتی سرگرمیوں پر خدشات میں اضافہ ہو رہا ہے، جبکہ حالیہ واقعہ بھی اسی تناؤ کا حصہ سمجھا جا رہا ہے۔