نیتن یاہو کا فوج کو غزہ پر 70 فیصد کنٹرول کرنے کا حکم

اسرائیلی وزیراعظم بنیامین نیتن یاہو نے فوج کو غزہ میں 70 فیصد علاقے پر کنٹرول حاصل کرنے کی ہدایت دے دی ہے۔

نیتن یاہو نے کہا کہ اسرائیلی فوج اس وقت غزہ کے تقریباً 60 فیصد حصے پر موجود ہے اور اب ہدف مرحلہ وار 70 فیصد علاقے تک پہنچنا ہے۔

ایک پریس کانفرنس سے خطاب کرتے ہوئے انہوں نے کہا کہ پہلے 50 فیصد، پھر 60 فیصد تک پیش رفت ہوئی اور اب 70 فیصد تک جانے کی ہدایت دی گئی ہے۔

انہوں نے مزید کہا کہ حماس پر ہر طرف سے دباؤ بڑھایا جا رہا ہے اور باقی ماندہ عناصر سے بھی نمٹا جائے گا۔

رپورٹس کے مطابق اسرائیل اس وقت غزہ کے تقریباً 64 فیصد علاقے پر مؤثر کنٹرول رکھتا ہے۔