جنگ بندی میں ایران پر حملے کو ٹرمپ نے پیار بھرا دھکا قرار دے دیا

ایران کی جانب سے جنگ بندی کی خلاف ورزی کے الزامات سامنے آنے کے بعد امریکہ کے صدر ڈونلڈ ٹرمپ کا پہلا ردِعمل سامنے آگیا ہے۔

امریکی ذرائع ابلاغ سے ٹیلی فون پر گفتگو کرتے ہوئے ڈونلڈ ٹرمپ نے کہا کہ ایران کے ساتھ ہونے والی جنگ بندی ختم نہیں ہوئی بلکہ اب بھی پوری طرح برقرار اور نافذ ہے۔

حالیہ حملوں سے متعلق سوال پر امریکی صدر نے نرم انداز اپناتے ہوئے کہا کہ یہ محض “پیار بھرا ایک دھکا” تھا۔

ڈونلڈ ٹرمپ کا کہنا تھا کہ صورتحال کشیدہ ضرور ہے تاہم دونوں جانب سے جنگ بندی کے معاہدے کو برقرار رکھنے کی کوشش جاری ہے۔ دوسری جانب ایران کی طرف سے تاحال اس بیان پر کوئی باضابطہ ردِعمل سامنے نہیں آیا۔