مہمند میں کھلونا بم پھٹنے سے بچہ اور دو بکریاں جاں بحق

خیبرپختونخوا کے ضلع مہمند میں گھر میں دیسی ساختہ بم پھٹنے سے 12 سالہ بچہ اور دو بکریاں جاں بحق ہوگئیں۔

مہمند تحصیل امبار کے علاقہ ڈب کور میں خود ساختہ بارودی مواد کا دھماکا ہوا۔

پولیس نے واقعے کی تصدیق کرتے ہوئے بتایا کہ واقعہ اس وقت یش آیا جب بچہ کھلونا بارودی سرنگ سے بکریوں کے پاس بیٹھ کر کھیل رہا تھا۔

دھماکے سے بچہ اور دونوں بکریاں موقع پر ہی جاں بحق ہوگئیں، بچے کی لاش کو ضابطے کی کارروائی کیلیے اسپتال منتقل کردیا گیا۔

پولیس کی تفتیشی ٹیم نے جائے وقوعہ سے شواہد اکھٹے کر کے اس کی تحقیقات کا آغاز کردیا ہے۔