کراچی سے گھریلو ملازماؤں کا منظم گینگ گرفتار

کراچی: شہر قائد ڈسٹرکٹ ایسٹ پولیس کی خفیہ اطلاع پر بڑی کارروائی میں پولیس نے گھریلو ملازماں کا منظم گینگ گرفتار کرلیا۔

معروف صنعتکار کے گھر 9 سال سے کام کرنے والی 5 ماسیاں چوری میں ملوث نکلیں، گینگ سرغنہ عروج نے لوکر کی چابی چرا کر 3ہزار میں ڈپلیکیٹ بنوائی۔

 ملازماؤں سے لاکھوں روپے نقدی رقم اور موبائل فونز برآمد ہوئے۔چوری کی رقم سے گھر، گاڑی، موٹر سائیکل اور دیگر قیمتی اشیا خریدنے کا انکشاف ہوا جبکہ گرفتار ملازماں کی شناخت عروج، سویرا، نائلہ، ثنا اور علشبہ کے ناموں سے ہوئی، ملازماں کا تعلق وہاڑی، اوکاڑا، فیصل آباد، رحیم یار خان اور کوٹ ادو سے ہے۔

گرفتار ملزماں سے مزید تفتیش جاری، مزید انکشافات متوقع ہیں۔ عوام سے اپیل ہے کہ گھریلو ملازماں کو رکھنے سے قبل ان کا شناختی کارڈ، کوائف اور پولیس ویریفکیشن لازمی کروائیں۔