افغانستان کی درخواست پر پاکستان نے سیز فائر کا اعلان کردیا

پاکستان اور افغان حکام نے جنگ بندی پر اتفاق کرلیا۔

دفتر خارجہ کی جانب سے جاری اعلامیے کے مطابق پاکستانی حکومت نے افغان طالبان حکومت کی جنگ بندی کی درخواست کو قبول کرتے ہوئے  آج شام چھ بجے سے  اگلے 48 گھنٹوں کیلئے، عارضی طور پر ، سیز فائر کا فیصلہ کیا گیا ہے۔

سیز فائر کے دوران دونوں اطراف تعمیری بات چیت کے ذریعے اس پیچیدہ مگر قابل حل مسئلے کا مثبت حل تلاش کرنے کی مخلصانہ کوشش کرینگے۔

واضح رہے کہ پاکستان نے گزشتہ شب دراندازی کی کوشش کے بعد افغانستان کو بھرپور جواب دیا جس کے نتیجے میں کئی چیک پوسٹیں، ٹینک پوزیشنز تباہ جبکہ افغان طالبان سمیت متعدد خوارجی ہلاک ہوئے تھے۔