جویریہ عباسی نے دوسری شادی کرلی

پاکستانی شوبز انڈسٹری کی معروف اداکارہ جویریہ عباسی کی دوسری شادی کی خبریں زیر گردش ہیں۔

اپنے آفیشل انسٹاگرام ہینڈل پر جویریہ عباسی نے ایک ویڈیو پوسٹ کی جس میں کسی شخص کا ہاتھ پکڑے ہوئے ہیں۔

ویڈیو میں واضح طور پر دیکھا جاسکتا ہے کہ معروف اداکارہ نے انگوٹھی بھی پہنی ہوئی ہے جوکہ بظاہر ان کی منگنی کی انگوٹھی لگ رہی ہے۔

جویریہ نے اپنی پوسٹ کے کیپشن میں لکھا شروعات، اس پوسٹ پر جویریہ عباسی کو دوسری شادی کی خوشخبری سنانے پر مبارکباد دی جارہی ہے۔

اس حوالے سے معروف بلاگر پیج عرفانستان کا اپنی پوسٹ میں کہنا تھا کہ جویریہ عباسی بہت جلد دوسری شادی کرنے والی ہیں۔

یاد رہے کہ اداکارہ کی پہلی شادی سال 1997 میں اداکار شمعون عباسی سے ہوئی تھی، شادی کے ایک سال بعد ان کے ہاں بیٹی عنزیلہ عباسی کی پیدائش ہوئی تھی۔