سونے کی قیمت میں آج بھی ہزاروں روپے کا اضافہ

کراچی: بین الاقوامی مارکیٹس اور پاکستان میں فی تولہ سونے اور چاندی کی قیمتوں میں مزید اضافہ ہوگیا۔

آل پاکستان جیمز اینڈ جیولرز ایسوسی ایشن کے مطابق فی تولہ سونا 16 ہزار 300 روپے مہنگا ہوگیا، جس کے بعد نئی قیمت 4 لاکھ 64 ہزار 62 روپے ہوگئی۔

اسی طرح 10گرام سونے کی قیمت 13 ہزار 975 روپے اضافے سے 3 لاکھ 97 ہزار 858 روپے ہوگئی جبکہ عالمی مارکیٹ میں فی اونس سونا 163 ڈالر مہنگا ہوکر 4413 ڈالر پر پہنچ گیا۔

ملک میں فی تولہ چاندی بھی 570 روپے مہنگی ہوگئی جس کے بعد نئی قیمت 7 ہزار 454 روپے ہوگئی۔