سونے کے بھاؤ آج بھی بڑھ گئے

کراچی: ملک میں آج بھی کاروباری روز کے دوران سونے کی قیمت میں اضافے کا سلسلہ جاری ہے، آج بھی فی تولہ سونے کی قیمت میں اضافہ دیکھا گیا۔

آل پاکستان جیمز اینڈ جیولرز ایسوسی ایشن کا کہنا ہے کہ ملک میں آج فی تولہ سونا ایک ہزار روپے مہنگا ہوکر 3 لاکھ 61 ہزار 700 روپے کا ہوگیا۔

اسی طرح 10 گرام سونا 857 روپے اضافے سے 3 لاکھ 10 ہزار 99 روپے کا ہوگیا جبکہ عالمی مارکیٹ میں سونا 10 ڈالر اضافے سے 3390 ڈالر فی اونس کا ہوگیا۔