ملک بھر میں بجلی کے اسمارٹ میٹر کی تنصیب کا فیصلہ

پاکستان بھر میں بجلی کے صارفین کے لیے اسمارٹ میٹر لگانے کا منصوبہ تیار کرلیا گیا ہے 

وفاقی حکومت نے ملک بھر کی بجلی تقسیم کار کمپنیوں کے زیرِ انتظام علاقوں میں اسمارٹ میٹر نصب کرنے کا فیصلہ کیا ہے۔

اس منصوبے پر عمل درآمد کے لیے عالمی مالیاتی اداروں سے اربوں ڈالر کے قرضے حاصل کرنے کی تیاری کی جا رہی ہے۔

میڈیا رپورٹس کے مطابق اس سلسلے میں وفاقی وزیر برائے اقتصادی امور احسن اقبال کی زیرِ صدارت ایک اجلاس ہوا، کا میں مجوزہ منصوبے پر تبادلہ خیال کیا گیا۔ حکومت اس منصوبے کی مالی معاونت کے لیے عالمی بینک اور ایشیائی ترقیاتی بینک سے مذاکرات کرے گی۔

منصوبے کے تحت بجلی کے موجودہ میٹروں کی جگہ جدید اسمارٹ میٹر نصب کیے جائیں گے۔ حکومتی توقع ہے کہ اس نظام سے بجلی چوری کی روک تھام، بلوں کی درستگی اور صارفین کو اضافی یا غلط بل بھیجے جانے کے مسائل پر قابو پانے میں مدد ملے گی۔