صوابی میں ٹک ٹاکر لڑکی گرفتاری کے بعد لڑکا نکلا

خیبر پختونخوا کے ضلع صوابی میں ٹک ٹاکر لڑکی گرفتاری کے بعد لڑکا نکل آیا۔

صوابی پولیس نے قابل اعتراض ویڈیو کی شکایت پر کارروائی کرتے ہوئے ایک گرفتاری کی جس کے بارے میں معلوم ہوا کہ وہ دراصل لڑکا ہے اور لڑکی بن کر قابل اعتراض ویڈیو شیئر کرتا ہے۔

پولیس کے ترجمان کے مطابق، گرفتار ہونے والے ٹک ٹاکر کا نام عبدالمغیز ہے اور وہ خواتین کے روپ میں قابلِ اعتراض اور نامناسب ویڈیوز بنا کر سوشل میڈیا پر شیئر کر رہا تھا۔

ترجمان نے بتایا کہ اس غیر اخلاقی سرگرمی کی وجہ سے علاقے میں شدید بے چینی اور غم و غصہ پایا جا رہا تھا۔

چوکی بامخیل کے انچارج عامر خان نے فوری کارروائی کرتے ہوئے ملزم عبدالمغیز کو اس کے آبائی علاقے بامخیل سے گرفتار کیا۔

پولیس کے مطابق، ملزم نے اپنا جرم تسلیم کر لیا ہے اور اس نے آئندہ اس طرح کی غیر اخلاقی سرگرمیوں سے باز رہنے کا وعدہ بھی کیا ہے۔