انڈونیشیا میں 6 شدت کا زلزلہ

جکارتہ: انڈونیشیا میں 6 شدت کا زلزلہ آنے سے درجنوں افراد زخمی ہوگئے۔غیرملکی میڈیا کے مطابق انڈونیشیا کے صوبہ سولاویسی کے شہر پوزوریجنسی میں شدید زلزلے سے درجنوں افراد زخمی ہوگئے۔

حکام کے مطابق زلزلہ پوزوریجنسی میں 10 کلومیٹر گہرائی میں آیا تھا۔

انڈونیشیا بحر الکاہل کے اس خطے میں موجود ہے جسے زلزلوں کا رنگ آف فائر کہا جاتا ہے، جہاں مختلف خطوں سے تعلق رکھنے والی زمینی پلیٹیں آپس میں ملتی ہیں جو زلزلے پیدا کرنے کا سبب بنتی ہیں۔