خالصتان ملک بن گیا؟ کینیڈا میں سفارت خانہ قائم

کینیڈا کے شہر سرے، برٹش کولمبیا میں "سکھس فار جسٹس" اور گرو نانک سکھ گوردوارہ ٹیمپل نے مل کر ایک "خالصتان کا سفارتخانہ" قائم کیا ہے۔ یہ اقدام خالصتان کی آزادی کی مہم میں ایک علامتی قدم ہے۔

گوردوارہ کی حدود میں قائم اس عمارت پر "جمہوریہ خالصتان" کا سائن بورڈ آویزاں ہے۔ کینیڈین میڈیا رپورٹس کے مطابق، برٹش کولمبیا کی صوبائی حکومت نے اس عمارت کے لیے مالی معاونت فراہم کی ہے، جس میں حال ہی میں ایک لفٹ کی تنصیب کے لیے 150,000 ڈالر کی گرانٹ بھی شامل ہے۔

یہ اعلان ایک ایسے وقت میں سامنے آیا ہے جب بھارت اور کینیڈا، خالصتان تحریک اور اس سے متعلق سیاسی تنازعات کے بعد، اپنے سفارتی تعلقات کو مضبوط کرنے کی کوشش کر رہے ہیں۔

اس اقدام کے حامیوں کا کہنا ہے کہ اس علامتی سفارتخانے کا مقصد سکھوں کے حقوق اور ایک آزاد خالصتان کے مطالبے کو اجاگر کرنا ہے۔

بھارتی حکام ایسے اقدامات کی مسلسل مخالفت کرتے رہے ہیں اور انہیں قومی خودمختاری کے لیے خطرہ قرار دیتے ہیں۔