چین میں زیرِ تعمیر پل گرنے سے 12 مزدور ہلاک، 4 لاپتا

چین کے صوبے چنھگائی میں ییلو ریور پر ایک زیرِ تعمیر پل کا حصہ گرنے سے ایک دلخراش حادثہ پیش آیا، جس میں اب تک 12 افراد ہلاک اور 4 لاپتا ہو چکے ہیں۔

میڈیا رپورٹس کے مطابق، یہ افسوسناک واقعہ پل کی تعمیر کے دوران اسٹیل کیبل ٹوٹنے سے پیش آیا، جس کے نتیجے میں پل کا درمیانی حصہ اچانک دریا میں جا گرا۔

حادثے کے وقت جائے وقوعہ پر 15 مزدور اور ایک پروجیکٹ مینیجر موجود تھے۔ ابتدا میں 7 ہلاکتوں کی اطلاع تھی جو اب بڑھ کر 12 ہو چکی ہے۔ حکام لاپتا 4 افراد کی تلاش جاری رکھے ہوئے ہیں۔