شاہراہ فیصلہ احتجاج، جماعت اسلامی کی قیادت پر سرکار کی مدعیت میں مقدمہ درج

کراچی میں شارع فیصل پر احتجاجی مارچ کرنے پر امیر جماعت اسلامی کراچی منعم ظفر اور دیگر افراد کے خلاف تھانہ ٹیپو سلطان میں ایف آئی آر درج کرلی گئی ہے۔

 ایف آئی آر کے مطابق بغیر اجازت جلسہ کیا گیا اور ٹریفک سمیت ایمبولینسز کی آمدورفت متاثر ہوئی۔

 جماعت اسلامی کے ترجمان نے مقدمے کو سیاسی دباؤ قرار دیتے ہوئے کہا کہ وہ ایف آئی آر سے خوفزدہ نہیں اور حقوق کی تحریک جاری رہے گی۔ 

ترجمان کے مطابق 14 فروری کو سندھ اسمبلی کے باہر دھرنا دیا جائے گا۔ واضح رہے کہ جماعت اسلامی نے گزشتہ روز “جینے دو کراچی مارچ” منعقد کیا تھا، جس سے خطاب میں حافظ نعیم الرحمن نے سندھ میں قبضے کے نظام کے خاتمے اور 14 فروری کو تاریخی دھرنے کا اعلان کیا تھا۔