یکم محرم کو عام تعطیل کا نوٹی فکیشن جاری کردیا

خیبرپختونخوا حکومت نے یکم محرم الحرام کے موقع پر صوبے بھر میں عام تعطیل کا اعلان کر دیا ہے۔

اس حوالے سے محکمہ انتظامیہ کی جانب سے باقاعدہ نوٹیفکیشن بھی جاری کر دیا گیا ہے۔

نوٹیفکیشن کے مطابق یکم محرم الحرام کی تعطیل مرکزی رویت ہلال کمیٹی کے اعلان کے مطابق ہوگی، جبکہ اس روز صوبے کے تمام سرکاری دفاتر اور متعلقہ ادارے بند رہیں گے۔

حکام کا کہنا ہے کہ تعطیل نئے اسلامی سال کے آغاز کے حوالے سے مرکزی رویت ہلال کمیٹی کے فیصلے کی روشنی میں دی گئی ہے۔