پنجاب میں باحجاب خاتون کو ہراساں کرنے والا اوباش پکڑا گیا

پنجاب پولیس نے دن دہاڑے ایک باحجاب خاتون کو ہراساں کرنے والے ملزم کو گرفتار کر لیا۔

یہ واقعہ شیخوپورہ میں پیش آیا، جس کی افسوسناک سی سی ٹی وی فوٹیج سامنے آنے کے بعد عوامی غم و غصے کی لہر دوڑ گئی۔

ویڈیو میں دیکھا جا سکتا ہے کہ ایک شخص خاتون کے پیچھے چل رہا ہے اور اچانک اُس کے برابر آ کر اسے نامناسب انداز میں چھوتا ہے، جس پر خاتون خوفزدہ ہو جاتی ہے۔ واقعے کے فوراً بعد ملزم موقع سے فرار ہو گیا۔

تاہم پنجاب پولیس کی جانب سے فوری اور مؤثر کارروائی کو سوشل میڈیا اور عوامی حلقوں میں سراہا جا رہا ہے، کیونکہ پولیس نے بروقت کارروائی کرتے ہوئے ملزم کو گرفتار کر کے انصاف کے کٹہرے میں لا کھڑا کیا۔

Arrested. pic.twitter.com/tpb42CtlHO

— Chief Minister’s Complaint Cell (@CMComplaintCell) October 27, 2025