کراچی، نیپا واقعے کے بعد گڑھے بند کرنے کا تحقیقاتی کمیٹی کا دعویٰ جھوٹا نکلا

کراچی: شہر قائد میں نیپا کے قریب گٹر میں گر کر ابراہیم کی ہلاکت کے بعد سڑک پر کھودے گئے گڑھے بند کرنے کا تحقیقاتی کمیٹی کا دعوی سراسر جھوٹا نکلا۔

تحقیقاتی کمیٹی کی رپورٹ میں کہا گیاہے کہ کھودے گئے تمام گڑھے بھر دیئے گئے ہیں جبکہ نجی اسٹور کے باہر کھودا جانے والا مقام3 دن بعد بھی ویسا ہی ہے ، قریب چھوٹے بلاکس رکھے گئے ہیں۔

کھلے ہوئے گڑھوں کی وجہ سے مزید جان لیوا حادثات کا خدشہ ہے۔ذرائع کے مطابق جس جگہ سے بچے کی لاش ملی وہ نالا بھی اب تک بند نہیں کیا جا سکا ہے۔

دوسری جانب کے ایم سی نے بچے کی تلاش کی ویڈیو اور تصاویر جاری کر دیں، ترجمان میئر کراچی کے مطابق کے ایم سی کی مشینری اور عملہ جائے وقوع پر موجود تھا۔

انہوں نے دعوی کیا کہ مشتعل سیاسی ہجوم کام کرنے نہیں دے رہا تھا، جماعت اسلامی اور ان کے سوشل میڈیا نے کچرا چننے والے کو ہیرو بناکر پیش کیا۔